ԱՄՆ պետքարտուղարության փոխխոսնակ Վեդանտ Պատելը անդրադարձել է Հայաստանի և Ադրբեջանի շուրջ ստեղծված իրավիճակին՝ նշելով, որ մտահոգված են ադրբեջանական ռազմական տեղաշարժերի կապակցությամբ։

«Պետքարտուղարի օգնական Քերըն Դոնֆրիդն այսօր առավոտյան զրուցել է Ադրբեջանի արտգործնախարար Բայրամովի հետ և մտահոգություն հայտնել ադրբեջանական ռազմական տեղաշարժերի կապակցությամբ։ Նա ընդգծել է ԱՄՆ-ի հավատարմությունը Հայաստան-Ադրբեջան խաղաղ բանակցություններին։ Ինչպես որ պետքարտուղարը բազմիցս ասել է, ուղիղ երկխոսությունն առանցքային է այս խնդրի լուծման և կայուն խաղաղության հասնելու համար: Մենք կշարունակենք աջակցել Հայաստանի և Ադրբեջանի միջև բանակցություններին ինչպես երկկողմ, այնպես էլ գործընկերների հետ և բազմակողմ ձևաչափերում», - ասել է Պատելը՝ ևս մեկ անգամ ընդգծելով, որ այս հակամարտությունը ռազմական լուծում չունի։