G7 երկրները հայտարարեցին 2024 թվականի հունվարի 1-ից Ռուսաստանում արդյունահանվող ադամանդների արգելքի մասին։ Արգելքը չի տարածվում արդյունաբերական օգտագործման ադամանդների վրա։

«Մինչև 2024 թվականի հունվարի 1-ը սահմանափակումներ կմտցնենք Ռուսաստանում արդյունահանվող, վերամշակված կամ արտադրվող ոչ արդյունաբերական ալմաստների ներմուծման վրա։ Դրան կհաջորդի երրորդ երկրներում վերամշակված ռուսական ադամանդի ներմուծման աստիճանական սահմանափակումները։ Սահմանափակումների մեկնարկի մոտավոր ամսաթիվը 2024 թվականի մարտի 1-ն է»,- ասված է հաղորդագրության մեջ։

Ավելի ուշ նախատեսվում է G7 երկրներում ներդնել չմշակված ադամանդների ստուգման ու հավաստագրման մեխանիզմ։