ՀՀ գերեվարված պահեստազորային զինծառայող Գագիկ Ոսկանյանը Բաքվում դատապարտվեց 18 տարվա ազատազրկման: 

Պատժի առաջին 5 տարիները նա պետք է կրի բանտում, իսկ մնացածը՝ հատուկ ռեժիմի ՔԿՀ-ում։

Նշենք, որ դատախազը պահանջել էր հենց 18 տարվա ազատազրկում։ 

Հիշեցնենք, որ ՀՀ ՊՆ-ն հայտարարել էր, որ վարժական հավաքի մասնակիցն ինքնակամ լքել է դիրքը, որից հետո Ադրբեջանի ՊՆ-ն հայտարարեց հայ զինծառայողի ձերբակալության մասին և Հայաստանին մեղադրեց ՀՀ ԶՈՒ-ն սահմանագոտու արևելյան հատվածում դիվերսիոն ներթափանցման փորձ կատարելու համար։

Այնուհետև պարզվեց, որ ադրբեջանական կողմից ձերբակալված հայ զինծառայողը դիրքը լքած պահեստազորայինն է։ ՀՀ ՊՆ-ն հրապարակել է տեսանյութը, թե ինչպես են ադրբեջանցիները ձերբակալում պահեստազորայինին և մեքենայով տեղափոխում անհայտ ուղղությամբ։

 

Գերեվարված պահեստազորայինի գործով հայկական կողմը դիմել է Եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով: