Երկար պնդումներից ու հարցումներից հետո այսօր ԱԳՆ շենքում ծանոթացանք Ադրբեջանի և Հայաստանի հարաբերությունների կարգավորման պայմանագրի վերաբերյալ երկու երկրների վերջին առաջարկներին: Այդ մասին ֆեյսբուքյան իր էջում գրել է «Հայաստան» խմբացկության պատգամավոր Գեղամ Մանուկյանը․

«Այս պահին կարող ենք արձանագրել հետևյալը. թեև չենք կարող հրապարակել հույժ գաղտնի նշումով փաստաթղթի բոլոր կետերը, սակայն արձանագրենք, որ առաջարկներին ծանոթանալը միայն փաստեց դրա վտանգավորությունը եւ ամրապնդեց բոլոր այն մտավախությունները, որոնք մենք այս հարցի շուրջ արտահայտել ենք ավելի վաղ»,- գրել է պատգամավորը։

Հիշեցնենք, որ ԱԺ-ում Արարատ Միրզոյանն ասել էր, որ դեմ չէ, որպեսզի պատգամավորները ծանոթանան «Խաղաղության պայմանագրի» նախագծին։ Գեղամ Մանուկյանը հայտնել էր, որ ինքը, Արթուր Խաչատրյանն ու Քրիստինե Վարդանյանը ցանկանում են ծանոթանալ երկու երկրների առաջարկներին։