Լեոնիդ Ագուտինը կապ է հաստատել հիվանդասենյակից և հաստատել է տարածված լուրերն այն մասին, որ բժիշկները նրա մոտ թրոմբ են հայտանաբերել և շտապ վիրահատության ենթարկել։

Ռուսաստանի Դաշնության վաստակավոր արտիստը շնորհակալություն է հայտնել բոլորին աջակցության համար։
 
«Շնորհակալություն ձեր մտահոգության և աջակցության համար: Երեկ ես հիվանդանոց էի եկել համերգից առաջ ցավազրկման համար։ Ես չէի կարողանում ուղիղ քայլել: Ես մտածեցի, որ դա լարվածությունից է։ Նրանք ուլտրաձայնային հետազոտություն իրականացրեցին և գտան պատճառը։ Ամեն ինչ լավ անցավ։ Ես այստեղ եմ, խոստանում եմ, որ երկար չի տևի, այլապես պարապ չեմ կարող մնալ։ Կտեսնվենք, սիրելիներս»։