Զելենսկու այցն ԱՄՆ. ինչի՞ մասին կարող է նա խոսել Ջո Բայդենի հետ.

Վլադիմիր Զելենսկին կարող է ԱՄՆ նախագահ Ջո Բայդենի հետ քննարկել պահեստային ծրագիր, եթե Կոնգրեսը չհաստատի Ուկրաինային օգնության նոր ֆինանսավորումը, RBC-Ukraine-ին տված մեկնաբանությունում ասել է քաղաքագետ Վլադիմիր Ֆեսենկոն։

Նրա խոսքով, այս դեպքում Կիևին անհրաժեշտ կլինի առաջին հերթին պայմանավորվել կարճաժամկետ օգնության շուրջ՝ առաջիկա մեկ-երկու ամսվա ընթացքում։

«Երկրորդը ավելի ռազմավարական խնդիր է՝ համաձայնեցնել հաջորդ տարվա ընդհանուր քաղաքական ռազմավարությունը, որը կվերաբերի Ուկրաինայի համակարգային աջակցությանը։ Ի՞նչ է պետք անել, ինչպես օգնել մեզ, որպեսզի մենք գոնե կարողանանք դիմակայել ռուսական ճնշման ուժեղացմանը և, հնարավորության դեպքում, իրավիճակը շրջենք մեր օգտին»,- կարծում է Ֆեսենկոն։

Հնարավոր թեմաների թվում, ըստ ուկրաինացի քաղաքագետի, Ռուսաստանի հետ խաղաղ բանակցությունների հարցն է, եթե 2024 թվականին Ուկրաինային չկարողանա շրջել իրավիճակը ճակատում։

«Պատերազմի ռազմավարական դադարը մեզ համար կարող է չափազանց անհրաժեշտ լինել։ Ոմանց դա կարող է դուր չգալ, բայց կարող է նման կարիք առաջանալ։ Եվ հետևաբար, մենք պետք է նախօրոք մտածենք բանակցային տարբերակի մասին, որպեսզի այն ընդունելի լինի մեզ համար։ Եվ նաև որոշել, թե ինչն է անընդունելի լինելու բանակցությունների ընթացքում»,- ասել է քաղաքագետը RBC-Ukraine-ի մեկնաբանությունում։