«Ռոսատոմը» կարող է սկսել Երևանի նախկին «Նաիրիտ» քիմիական գործարանի տարածքի ռեկուլտիվացիայի աշխատանքները` հենց  հայկական կողմը համապատասխան ցանկություն հայտնի, նախնական հայեցակարգն արդեն հանձնվել է Հայաստանի իշխանություններին։ Այս մասին ՏԱՍՍ-ին հայտնել է «Ռոսատոմի» բնապահպանության ոլորտի պետական և ճյուղային ծրագրերի իրականացման գծով տնօրեն Անդրեյ Լեբեդևը։

«Հայկական կողմի խնդրանքով անցած տարի մենք սկսել ենք ուսումնասիրել այս հարցը։ Երևան կատարած այցի ընթացքում «Ռոսատոմ» պետական ​​կորպորացիայի գլխավոր տնօրեն Ալեքսեյ Լիխաչովը ՀՀ վարչապետ Նիկոլ Փաշինյանին է հանձնել արդյունքների վերաբերյալ վերլուծական զեկույցը։ Մենք հայկական կողմի հետաքրքրության դեպքում, մեր կառավարության համապատասխան հանձնարարությամբ, կզբաղվենք այդ հարցով»,- ասել է Լեբեդևը։