Դեկտեմբերի 16-ին, ժամը 19.50-ին, ՆԳՆ ոստիկանության Կոտայքի մարզի օպերատիվ կառավարման կենտրոն զանգած քաղաքացին հայտնել էր, որ Պռոշյան գյուղի Եղբայրական գերեզմանատան մոտ բեռնատար ավտոմեքենա է այրվում:

Նշված վայր մեկնած ոստիկանության Նաիրիի բաժնի օպերատիվ խմբին Պռոշյան գյուղի 42-ամյա բնակիչը հաղորդում է տվել, որ անհայտ անձը ժամը 19.00-ի սահմաններում հրկիզել է իր «ԳԱԶ-53» բեռնատարը՝ պատճառելով 2 500 000 դրամի վնաս:

Ոստիկանության Նաիրիի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ բեռնատարը հրկիզել է պռոշյանցի 53-ամյա տղամարդը: Նա ձերբակալվել և տեղափոխվել է ոստիկանության Նաիրիի բաժին:

53-ամյա տղամարդը և կազմված փաստաթղթերը ներկայացվել են Նաիրիի քննչական բաժին:

Կատարվում է նախաքննություն: