Սանկտ Պետերբուրգում թալանել են Ձմեռ պապիկին և Ձյունանուշին։ Ռուսական լրատվամիջոցները փոխանցում են, որ ձմռան հերոսներին Սանկտ Պետերբուրգում հրավիրել են միջոցառման, որպեսզի նրանք շնորհավորեն երեխաներին։ 

Միջոցառման ավարտից հետո, երբ հեքիաթի հերոսները որոշել են տուն գնալ, չեն գտել իրենց իրերը։ 

Ձյունանուշի մուշտակն են գողացել ու պայուսակը, որի մեջ եղել է ականջակալ, բջջային հեռախոս, պլանշետ և արծաթե մատանի, իսկ Ձմեռ պապիկի ուսապարկն ու բաճկոնն են գողացել, որտեղ եղել է 10 000 ռուբլի։

  Ընդհանուր վնասը կազմել է 105 հազար ռուբլի, ոստիկանությունը հետաքննություն է սկսել։