Աննա Հակոբյանը գնացել է Խարբերդի մասնագիտացված մանկատուն․ նրան ուղեկցել է Աննա Վարդապետյանը, ով չորս օր առաջ էր գնացել այդ նույն մասնագիտացված մանկատուն (լուսանկարներ)

00:11, 27 դեկտեմբեր 2023

«Խարբերդի մասնագիտացված մանկատուն հյուրընկալվելը և «Ճախրուկներ» համույթին լսելն իսկական վայելք է, էլ չեմ խոսում ճախրուկցիների հետ շփման, եւ նրանցից ստացվող լիցքերի մասին մասին»: Այս մասին սոցցանցի իր էջում գրել է ՀՀ վարչապետի տիկին Աննա Հակոբյանը և լուսանկարներ հրապարակել:

Աննա Հակոբյանին ուղեկցել է գլխավոր դատախազ Աննա Վարդապետյանը, երեք տեղակալը, այդ թվում նաև զինդատախազը, ՄԻՊ Անահիտ Մանասյանը, մասնագիտացված մանկատանը ներկա է եղել նաև ԿԳՄՍ նախարար Ժաննա Անդրեասյանը։

Նշենք, որ անցած տարի ևս Աննա Հակոբյանը մեկնել էր այս մանկատուն, կրկին Աննա Վարդապետյանն էր ուղեկցել նրան և Մարիամ Փաշինյանին։

Ի դեպ, հիշեցնենք, որ ուղիղ չորս առաջ՝ դեկտեմբերի 22-ին Աննա Վարդապետյանը կատարել էր իր տարեկան այցը Խարբերդի մասնագիտացված մանկատանը գործող՝ «Ճախրուկ» մշակութային կենտրոն՝ իր բոլոր տեղակալների հետ։