Դեկտեմբերի 26-ին իրանական կողմի նախաձեռնությամբ հեռախոսազրույց է տեղի ունեցել ՌԴ արտաքին գործերի նախարար Սերգեյ Լավրովի և ԻԻՀ արտաքին գործերի նախարար Հոսեյն Ամիր Աբդոլլահիանի միջև։

Տարբեր մակարդակներում շփումները զարգացնելու նպատակով քննարկվել են երկկողմ, տարածաշրջանային և միջազգային օրակարգի արդի հարցեր, որոնք փոխադարձ հետաքրքրություն են ներկայացնում։

Իր հերթին Mehr գործակալությունը հայտնում է, որ ԱԳ նախարարը ողջունել է  Հայաստանի և Ադրբեջանի միջև կայուն խաղաղության համաձայնագրի ձեռքբերման բանակցությունների գործընթացը և ընդգծել Իրանի աջակցությունը տարածաշրջանում խաղաղության և կայունության հաստատման գործում։ 

Նշենք, որ Աբդոլլահիանը այսօր այցելում է ՀՀ։