Հետևեք մեզ։

Հայաստանի և Ադրբեջանի ղեկավարները Սանկտ Պետերբուրգում բանակցություններ չեն վարել. Պեսկով

16:14, 27 դեկտեմբեր 2023
Հայաստանի և Ադրբեջանի ղեկավարները Սանկտ Պետերբուրգում բանակցություններ չեն վարել. Պեսկով

Բաքուն և Երևանը գնում են խաղաղության պայմանագրի վերջնական ձևակերպման ուղղությամբ, հուսով ենք, որ այն կկնքեն որքան հնարավոր է շուտ: Այս մասին ասել է ՌԴ նախագահի մամուլի քարտուղար Դմիտրի Պեսկովը։

 


«Մենք հայտարարում ենք, որ երկրները գնում են խաղաղության պայմանագրի շուրջ աշխատանքները ավարտելու ուղղությամբ։ Հուսով ենք, որ դա տեղի կունենա որքան հնարավոր է շուտ։ Իհարկե, ոչ որակի հաշվին։ Ուստի մենք բոլորի հետ միասին սպասում ենք այս աշխատանքին։ Հիմնական բանն այն է, որ մենք տեսնում ենք քաղաքական կամքի առկայություն երկու կողմից՝ և՛ Բաքվում, և՛ Երևանում, և, իհարկե, մենք սատարում ենք դրան»,- լրագրողներին ասել է Պեսկովը։

 


Նա նշել է, որ խաղաղության պայմանագրի կնքումը օգտակար կլինի ինչպես երկու երկրների, այնպես էլ ողջ տարածաշրջանում կայունության ու խաղաղության համար։

 

Պեսկովը նշել է՝ Հայաստանի և Ադրբեջանի ղեկավարները Սանկտ Պետերբուրգում բանակցություններ չեն վարել, բայց ինչպես բոլորը, ոտքի վրա կարճ շփումների հնարավորություն ունեցել են։

 


«Ոչ, նրանք երեկ բանակցություններ չեն վարել, բայց նման իրադարձությունները և ԱՊՀ ոչ պաշտոնական գագաթնաժողովը, ի թիվս այլոց, միշտ լավ հնարավորություն են տալիս կարճատև շփումների համար, այս անգամ էլ այդպես եղավ, բոլորը հնարավորություն ունեցան շփվելու միմյանց հետ», - ասել է Պեսկովը: