Ուկրաինայի արևելքում գտնվող Պոկրովսկ քաղաքին ռուսական հրթիռային հարվածի հետևանքով զոհվել է 11 մարդ, այդ թվում՝ հինգ երեխա։

Այս մասին հայտարարել է շրջանի նահանգապետ Վադիմ Ֆիլաշկինը։ Բացի այդ, հաղորդվում է, որ վիրավորվել է ութ մարդ:

Պոկրովսկը գտնվում է Դոնեցկի մարզի Ուկրաինայի կողմից վերահսկվող տարածքում։

Վադիմ Ֆիլաշկինը հայտնել է, որ S-300 հրթիռները հարվածել են քաղաքին։

«Թշնամին ցինիկաբար հարվածներ է հասցնում խաղաղ բնակիչներին՝ փորձելով հնարավորինս շատ տառապանքներ հասցնել մեր հողին», - գրել է նա Տելեգրամում։

Ռուսաստանի իշխանությունները չեն մեկնաբանել այս հաղորդագրությունը։

Ուկրաինայի նախագահ Զելենսկին ասել է, որ այս ժամերին Պոկրովսկում և Պոկրովսկի շրջանում ռուսական հրթիռային հարձակումից հետո շարունակվում է փրկարարական գործողությունը։ Զելենսկին նաև ասել է, որ ռուսական զորքերը օգտագործել են С-300 հրթիռներ։