Բարաք Օբաման կոչ է արել ամերիկացի ներկայիս առաջնորդ Ջո Բայդենին և նրա կողմնակիցներին ակտիվացնել նախընտրական քարոզարշավը, քանի որ նա մտահոգված է Դոնալդ Թրամփի Սպիտակ տուն հնարավոր վերադարձի համար։ Այս մասին հայտնում է The Washington Post-ը՝ հղում անելով աղբյուրներին։

«Օբաման ուղղակիորեն խոսել է Բայդենի և նրա օգնականների հետ քարոզարշավը վերակառուցելու անհրաժեշտության և Բայդենի արշավին առանց Սպիտակ տան հետ խորհրդակցելու որոշումներ կայացնելու իրավասություն տալու անհրաժեշտության մասին»,- ասել  է երեք աղբյուր։

Աղբյուրները նշում են, որ Օբաման անձամբ խոսել է Բայդենի հետ այդ թեմայի շուրջ վերջին ամիսներին Սպիտակ տանը տեղի ունեցած մասնավոր ընթրիքի ժամանակ, որը հրապարակայնորեն չի հաղորդվել: