89 տարեկան հասակում մահացել է շվեյցարացի գիտնական Նիկլաուս Վիրտը՝ Pascal և Modula-2 ծրագրավորման լեզուների հեղինակը, հայտնում է Համակարգչային մեքենաների ասոցիացիան (ACM):

«Մեծ ցավով նշում ենք, որ ծրագրավորման լեզվի ուսուցիչ և Թյուրինգ մրցանակի դափնեկիր Նիկլաուս Վիրտը մահացել է 2024 թվականի հունվարի 1-ին: Վիրտը մշակել է համակարգչային մի շարք նորարարական լեզուներ՝ EULER, ALGOL-W, MODULA և PASCAL, դրանք հիմք են ծառայել ապագա համակարգչային լեզուների, համակարգերի և ճարտարապետական ​​հետազոտությունների համար»,- ասվում է ACM-ի հայտարարության մեջ։