Ադրբեջանում լրտեսության մեջ կասկածվող Ֆրանսիայի քաղաքացի է ձերբակալվել։ Այս մասին իր հայտարարության մեջ ասել է Ֆրանսիայում Ադրբեջանի դեսպան Լեյլա Աբդուլաեւան։

«Ֆրանսիայի քաղաքացի Մարտին Ռայանը, ով կասկածվում է լրտեսության մեջ, ձերբակալվել է 2023 թվականի դեկտեմբերի 4-ին»,- ասել է Ադրբեջանի դեսպան Լեյլա Աբդուլաեւան։

Դիվանագետի խոսքով՝ դատարանը նրա նկատմամբ չորսամսյա խափանման միջոց է սահմանել։

Ադրբեջանի դեսպանը նշել է, որ այդ անձի ձերբակալության մասին անմիջապես տեղեկացվել է Բաքվում Ֆրանսիայի դեսպանատունը։