Ֆինլանդացի երաժիշտները ստորագրահավաք են կազմակերպել, որպեսզի Իսրայելը բացառվի «Եվրատեսիլ 2024» երգի մրցույթի մասնակից երկրների ցուցակից` Գազայի հատվածում ռազմական հանցագործությունների համար։

«Արմենպրես»-ի փոխանցմամբ՝ փաստաթուղթը Instagram-ի իր էջում հրապարակել է ստորագրահավաքի հեղինակներից մեկը` ակտիվիստ Լուկաս Կորպելայնեն:

Ֆինլանդացի ավելի քան 1400 արտիստներ և երաժշտական ​​ոլորտի ներկայացուցիչներ իրենց ստորագրություններն են դրել կոչի տակ։

Երաժիշտները կարծում են, որ եթե Եվրոպայի հեռարձակողների միությունը հրաժարվի բացառել Իսրայելի մասնակցությունը, ապա Ֆինլանդիայի պետական ​​հեռարձակողը պետք է հետ կանչի իր մրցակցին և բոյկոտի մրցույթը։

Երաժիշտները պլանավորում են ստորագրահավաքն անցկացնել մինչև հունվարի 15-ը, այնուհետև այն կհանձնեն Ֆինլանդիայի պետական հեռարձակողին:

Եվրատեսիլն այս տարի անցկացվելու է Շվեդիայի Մալմյո քաղաքում։