Այսօր՝ հունվարի 14-ին, կրակոցներ են հնչել Կոտայքի մարզում, այս մասին հայտնում է Shamshyan.com-ը։

 

Ժամը 00:30-ի սահմաններում ՀՀ ներքին գործերի նախարարություն տեղեկություններ են ստացվել, որ Քասախ գյուղում կրակոցներ են հնչել: 

 

Ժամանել են իրավապահները։

 

Պարզվել է, որ կրակոցները հնչել է Չարենցի փողոց թիվ 2-րդ տան ուղղությամբ։ Դեպքի վայրում հայտնաբերվել է ինքնաձիգից արձակված մոտ 20 պարկուճ և 8 գնդակ, երկաթե դարպասի վրա  էլ կրակոցի 16 հետք, տան պատերին նույնպես հայտնաբերվել է կրակոցի հետքեր։ 

 

Դեպքի փաստով Նաիրիի քննչական բաժնում նախաձեռնվել է քրեական վարույթ։

 

Կայքի տեղեկություներով` տունը, որի ուղղությամբ արձակվել է կրակոցներ, պատկանում է «Քաղաքացիական պայմանագիր» կուսակցության վարչության որոշմամբ վերջերս կուսակցությունից հեռացված Թաթուլ Ասիլյանին, վերջինս կրակոցների պահին իր ընտանիքի անդամների հետ եղել է տանը, ու բարեբախտաբար նրանք չեն տուժել։

 

Մանրամասները սկզբնաղբյուր կայքում։