ՔՊ֊ականները նոր կոնֆլիկտ էին ուզում։ Այս մասին լրագրողների հետ զրույցում ասաց ԱԺ «Հայաստան» խմբակցության քարտուղար Արծվիկ Մինասյանը, ով ներկա է եղել փակ նիստին, որի ընթացքում միջադեպ էր գրանցվել «Հայաստան» խմբակցությունից Մհեր Սահակյանի և ՔՊ֊ից Վլադիմիր Վարդանյանի միջև։
«Վլադիմիր Վարդանյանը ձայնը բարձրացնելով սկսեց գոռգոռալ: Մհեր Սահակյանը պահանջեց, որ չգոռգոռա:Նա էլ ասաց`լավ եմ անում, ում վրա ասես կգոռամ, Մհերն ասաց՝ չես կարող: Վլադիմիր Վարդանյանը վեր կացավ տեղից, քայլեց դեպի Մհերը, և տեղի ունեցավ այդ հարվածը»։
Արծվիկ Մինասյանի խոսքով` դրանից հետո Վլադիմիր Վարդանյանին փորձել է հանգստացնել, չի հանգստանում, ինքը, մի շարք ՔՊ-ականներ, օգնականներ վազում են դեպի իրենց խմբակցություն՝ գոռգռալով, ինքն էլ փորձել է դա կանխել։
«ՔՊ-ականները, կարծում եմ, գնում էին հաշվեհարդար տեսնելու, որովհետև մի շարք ՔՊ-ականների պահվածքը դրան էր տանում, իրենք նոր, ավելի մեծ կոնֆլիկտ էին ուզում»,-ասաց նա։
Արծվիկ Մնասյանը տեղեկացրեց, որ հանդիպում է ունեցել ԱԺ փոխխոսնակ Ռուբեն Ռուբինյանի հետ, առաջարկել առանձին քննարկում անել, ինչին ի պատասխան ասել են,որ իրավապահներն արդեն եկել են։