Սյունիքի մարզի Արավուս  բնակավայրի սահմանից գողացած ոչխարները ադրբեջանցիները  վերադարձրել են: Այս մասին Hayastan.news-ի հետ զրույցում ասաց Տեղ համայնքի ղեկավար Դավիթ Ղուլունցը։

«Բանակցությունների արդյունքում գողացված բոլոր  ոչխարներին հետ են վերադարձրել: Ամբողջը պատկանում էր Արավուս համայնքի մի բնակչի»,-ասաց նա։

Ղուլունցն այլ մանրամասներ չհայտնեց․ «Ինձ հետաքրքիր է, որ բոլոր ոչխարները վերադարձվել են, մնացածը հետաքրքիր չէ»։