ԵՄ երկրների արտգործնախարարները կքննարկեն Հայաստանի և Ադրբեջանի միջև հարաբերությունների կարգավորման հարցը։
Աս մասին գրել է РИА «Новости»-ն՝ հղում անելով Բրյուսելի դիվանագիտական աղբյուրին։
Հաղորդվել է, որ այսօր Բրյուսելում կայանալիք հանդիպմանը, ի թիվս այլ հարցերի, քննարկվելու է իրավիճակը Հարավային Կովկասում։
«Ինտերֆաքս»-ի փոխանցմամբ՝ ԵՄ բարձր ներկայացուցիչ Ջոզեֆ Բորելը հանդես կգա Ադրբեջան-Հայաստան հարաբերությունների կարգավորման վերաբերյալ զեկույցով։
ԵՄ արտաքին գործերի նախարարները կքննարկեն նաև Ուկրաինային երկարաժամկետ ռազմական և տնտեսական օգնությունը, պաղեստինա-իսրայելական հակամարտությունը, Կարմիր ծովում ԵՄ առաքելությունը և Ռուսաստանի դեմ պատժամիջոցների 13-րդ փաթեթը: