ԱՄՆ-ում Ռուսաստանի նախկին դեսպան Վլադիմիր Լուկինը ՌԻԱ Նովոստիին ասել է, որ չի բացառում, որ Ռուսաստանի Դաշնության առաջին նախագահ Բորիս Ելցինը կարող էր ԱՄՆ նախագահ Բիլ Քլինթոնի հետ քննարկել ՆԱՏՕ-ի ընդլայնումը դաշինքին Ռուսաստանին միանալու միջոցով։

Նշենք, որ ամերիկյան կողմը գաղտնազերծել էր 1994 թվականին Ելցինի և Քլինթոնի դեմ առ դեմ զրույցի սղագրությունը, ըստ որի՝ ՌԴ ղեկավարը հայտարարել էր, որ ՆԱՏՕ-ի ընդլայնման դեպքում Ռուսաստանի Դաշնությունը պետք է առաջինը միանա դաշինքին, որից հետո նրա օրինակին կհետևեին Կենտրոնական և Արևելյան Եվրոպայի մյուս պետությունները։

«Ես ԱՄՆ-ում դեսպան էի 1992-1993 թվականներին, ուստի 1994 թվականին չէի կարող ականատես լինել երկու պետությունների ղեկավարների խոսակցություններին և չեմ կարող որևէ բան ասել այս մասին, կարո՞ղ էին նման խոսակցություններ լինել, կարծում եմ՝ կարող էին, քանի որ նրանք այնտեղ եղել են դրանից առաջ և հետո՝ և՛ նախագահ Ելցինի, և՛ նախագահ Պուտինի օրոք: Հետևաբար, նման խնդիր կար, բայց մենք պետք է հասկանանք, որ գաղտնազերծումը տեղի ունեցավ բոլորովին այլ համատեքստում»,- նշել է նա։

Նա նշել է, որ այն ժամանակ Ռուսաստանի Դաշնության և ԱՄՆ-ի հարաբերությունները նույնը չէին, ինչ հիմա, այն ժամանակ կողմերը «փորձարկում էին նոր աշխարհակարգի հնարավորությունները»: