Բաքուն չեղարկել է Նիդերլանդների արտգործնախարարի այցը Ադրբեջան, հայտարարել է Ադրբեջանի արտգործնախարարության խոսնակ Այխան Հաջիզադեն։

Ադրբեջանցի պաշտոնյան շեշտել է, որ որոշումը կայացվել է ադրբեջանական կողմի նախաձեռնությամբ։

Ըստ Հաջիզադեի՝ նման որոշման պատճառը Հանկե Բրայնս Շլոթի հայտարարություններն են, որոնք նա հնչեցրել է երկրի խորհրդարանում։ 

«Ադրբեջանական կողմը հոլանդական կողմին տեղեկացրել է, որ մտադիր չէ քննարկել Ադրբեջանի և Հայաստանի միջև հարաբերությունների կարգավորման գործընթացը կամ Ադրբեջանի ներքին խնդիրները», - հանդիպման չեղարկման պատճառների մասին խոսելիս ասել է Հաջիզադեն և այլ մանրամասներ չի հայտնել։