Օղակաձեւ զբոսայգու ճակատագրի շուրջ մեր խմբակցության նախաձեռնությամբ հրավիրված հանրային քննարկման ժամանակ խոսել եմ Երեւանի կանաչ տարածքների վերաբերյալ մեր մոտեցումների մասին»,-ասաց Մարությանը։

 

Հայկ Մարությանն ասաց, որ Երևանի կանաչ հատվածի համար պայքարելու են, որովհետև չի կարելի թւոյլ տալ կանաչ տարածքները խլել երևանցուց; Նրա խոսքով՝ ինչպես 10-15 տարի առաջ, 6 տարի առաջ, անգամ հեղափոխությունից հետո, նույնկերպ պայքարելու ենք ամեն քմ-ի համար, բոլոր հանրային շահերի ու քաղաքացիների համար: «Մենք խնդիր չունենք, եթե պետք լինի փողոց էլ ենք դուրս գալու, պետք լինի բուլդոզերների տակ էլ ենք պառկելու: Միակ բանը, որ փոխվել է մեր թիմի մոտ, տարիքն է, մի քիչ ծերացել ենք»,-ասաց նա:

 

Հայկ Մարությանն ասաց, որ փորձում են համոզել, որ այլ տարբերակ չկա, որ մասնավորը պետք է մի բան անի, որ մի բան էլ մեզ տա․ «Որ չստացվի հենց այնպես եմ խոսում, օրինակներով խոսեմ․ մեր պաշտոնավարման ժամանակ համայնքի բյուջեով մենք վեցերորդ հատվածը բարեկարգել ենք, և նորմալ այգի է, շների համար հատվածէ  կառուցվել և դա Երևանի գույքն է և բարերարները դրա դիմաց ոչինչ չեն ստացել։  Մյուս օրինակը, Վարդանյաների ընտանիքի նվերը՝ քաղաքապետարանի կողքի այգին, ոչ մի սրճարան, ոչ մի նման տարածք չկա, այգի է։ Պետք է կուլտուրա թողնել, այդ մարդիկ էլ են ուզում այս քաղաքին մի բան թողնել»։