Վրաստանը դեռևս առաջատար է «Թրանսփարենսի Ինթերնեշնլ 2023» կոռուպցիայի ընկալման ինդեքսով՝ առաջ անցնելով ԵՄ վեց և ՆԱՏՕ-ի անդամ ինը երկրներից, ինչպես նաև ԵՄ անդամակցության բոլոր թեկնածու երկրներից, սոցցանցում գրում է խորհրդարանի նախագահ Շալվա Պապուաշվիլին։

Նրա խոսքով, այս տվյալները եւս մեկ անգամ հաստատում են Վրաստանի թափանցիկության եւ ազնվության հավատարմության մասին։

«Վրաստանը շարունակում է գլխավորել «Միջազգային թափանցիկության 2023 թվականի կոռուպցիայի ընկալման ինդեքսը՝ առաջ անցնելով ԵՄ վեց և ՆԱՏՕ-ի ինը անդամ երկրներից, ինչպես նաև ԵՄ անդամակցության բոլոր թեկնածու երկրներից: Այս տվյալները թափանցիկության և ազնվության նկատմամբ Վրաստանի հանձնառության ևս մեկ հաստատում են»,- գրել է Պապուաշվիլին սոցցանցում։

«Միջազգային թափանցիկություն»-ը հրապարակել է Կոռուպցիայի ընկալման ինդեքսը, ըստ որի՝ Կոռուպցիայի ընկալման ինդեքսում Վրաստանը զբաղեցնում է 49-րդ տեղը, մնում է տարածաշրջանի առաջատարը և առաջ է ԵՄ անդամակցության բոլոր թեկնածու երկրներից։