Էկոնոմիկայի նախարարությունում քննչական գործողություններ են ընթանում։ Կոռուպցիայի դեմ պայքարը համարում ենք գերկարևոր, միաժամանակ առաջնորդվում ենք անմեղության կանխավարկածով։ Այս մասին հայտնում են ՀՀ Էկոնոմիկայի նախարարությունից:

Ըստ 168.am-ի՝  Անի Իսպիրյանը ձերբակալվել է։ Աղբյուրի հաղորդմամբ՝ ձերբակալվել է նաև Էկոնոմիկայի նախարարության հանրային ներդրումների վարչության պետը։

Էկոնոմիկայի նախարար Վահան Քերոբյանը լրագրողների հետ զրույցում ասել է․ «Ճիշտն ասած՝ չգիտեմ ԱԱԾ-ն է, թե չէ, ու չգիտեմ, թե ինչու է մտել»։

Ավելի վաղ հայտնել էինք, որ Նիկոլ Փաշինյանի որոշմամբ Անի Իսպիրյանն ազատվել է Էկոնոմիկայի փոխնախարարի պաշտոնից:

Հայտնի է նաև, որ Իսպիրյանը Հայաստանի պետական հետաքրքրությունների ֆոնդի՝ ԱՆԻՖ-ի տնօրենների խորհրդի նախագահն է։