Ես 100 տոկոսով չեմ կարող ասել որեւէ անձի մասին, բացի ինձնից, բայց այս պահին եղած մեղադրանքը եւ իմ գիտելիքները թույլ են տալիս ասել, որ մեր գործողություններում ոչ մի անօրինականություն չկա: Չեմ կարծում, որ անգամ անփութություն կա: Մենք բացառապես օրենքի տառին համաձայն ենք շարժվել։ Իմ համար, մարդը մեղավոր է, երբ որ իր նկատմամբ մեղադրական ակտ կա։

Այս մասին Հանրային հեռուստաընկերության եթերում հայտարարել է Էկոնոմիկայի նախարար Վահան Քերոբյանն` անդրադառնալով իր արդեն նախկին տեղակալ Անի Իսպիրյանին առնչվող մեղադրանքին։

Ինչ վերաբերում է  նախարարությանը և ստուգումներին, Քերոբյանն ասել է, որ ներքին աուդիտ արվում է, բյուջեն ավելացել է և ինքն ամեն ինչ անելու է, որ նախարարության աշխատակիցների վստահությունը վերադառնա։

«Փաշինյանը մեզ մի քանի անգամ ասել է, որ կոռուպցիոն երևույթները, որոնք կան գերատեսչություններում, ի վերջո գերատեսչության ղեկավարի պատասխանատվությունն է, և ես դրա վերաբերյալ բնականաբար իմ կարծիքը և որոշումը կասեմ վարչապետին, կստանձնեմ դրա պատասխանատվությունը»,-ասել է նա։

Քերոբյանը նշել է, որ 100 տոկոսով չի կարող ասել որևէ անձի մասին, բացի իրենից, բայց այս պահին եղած մեղադրանքը և իր գիտելիքները թույլ են տալիս ասել, որ իրենց գործողություններում ոչ մի անօրինականություն չկա:

«Իմ համար, մարդը մեղավոր է, երբ որ իր նկատմամբ մեղադրական ակտ կա», -ասել է նախարարը։