Կորեայի Հանրապետության իշխանությունները Սեուլում ՌԴ դեսպանին կանչել են ԱԳՆ՝ Կորեական թերակղզում աճող լարվածության պատճառների մասին ՌԴ ԱԳՆ պաշտոնական ներկայացուցիչ Մարիա Զախարովայի խոսքերի պատճառով։   Դեսպանին փետրվարի 3-ին զրույցի է հրավիրել Կորեայի Հանրապետության արտաքին գործերի փոխնախարար Չունգ Բյունգ Վոնը։  Նրա կարծիքով՝ նման հայտարարությունները «միայն կվատթարացնեն երկկողմ հարաբերությունները»։

Տեղեկատվության համաձայն՝ դեսպանին փոխանցվել է բողոքի նոտա։

Ավելի վաղ Զախարովան ասել էր, որ Հարավային Կորեայի նախագահ Յուն Սոկ Յոլի հռետորաբանությունը ԿԺԴՀ-ի նկատմամբ նպատակ ունի քողարկել երկրի ագրեսիվ պլանները Հյուսիսային Կորեայի նկատմամբ և այդ հռետորաբանությունը զազրելի է ԱՄՆ-ի հետ զորավարժություններին Սեուլի մասնակցության ֆոնին: