Ադրբեջանում ԵՄ դեսպան Պետեր Միչալկոն թվիթերյան գրառմամբ հերքել է Հայաստանում ԵՄ դիտորդների հասցեին ուղղված մեղադրանքները առ այն, թե իբր նրանք ինչ-որ բան են ծրագրում Ադրբեջանի դեմ։

«ԵՄ առաքելությունը քաղաքացիական է և անզեն։ Ցավում եմ, որ վերջին օրերին Ադրբեջանում որոշ լրատվամիջոցներ բացարձակ անհիմն մեղադրանքներ են հրապարակել Հայաստանում ԵՄ առաքելության հասցեին։ ԵՄ առաքելության ներկայությունն ուղղված է կայունության խթանմանը և վստահության ամրապնդմանը»,-գրել է նա։