«Կարին» ավանդական երգի-պարի խումբը խմբի ղեկավար Գագիկ Գինոսյանի մահվանից հետո հայտարարություն է տարածել, որը ներկայացնում ենք ստորև․

«Սիրելի ընկերներ,

Բոլորիս համար դժվար օրեր են։ Գագիկ Գինոսյանի մահն անժամանակ էր և ցնցել է բոլորիս։ 

Սակայն մենք չպիտի մոռանանք, թե որն է նրա սահմանած առաքելությունն ու նպատակը, և հավատարիմ մնանք դրանց։ Գագիկ Գինոսյանի արված աշխատանքը պետք է շարունակվի նաև հիմա։ Վստահ ենք՝ այդպես կուզեր նա։ 

Իր հետ մշակած ծրագրերի ընթացքը մենք իրավունք չունենք դադարեցնելու։ Դրանք պետք է հատ-հատ դառնան իրականություն։ Ուստի, Կրասնոդարի և Սանկտ-Պետերբուրգի մեր մենահամերգները կկայանան։

Համերգները հանդիսանալու են Գագիկ Գինոսյանի նպատակների, գաղափարների և կիսատ մնացած գործերի նոր սկիզբ, որը մեզ բոլորիս համախմբելու է գերագույն գլխավոր նպատակի շուրջ՝ պարի միջոցով մեր ինքնությունն ու հայրենիքը ճանաչելու, և որպես հետևանք՝ տերը դառնալու մեր հայրենիքին և մեր ինքնությանը։

Համերգները նվիրվելու են հայու տեսակ Գագիկ Գինոսյանի ասպետականությանը, ոգուն, ինչպես նաև նրա կողմից առաջ քաշված գաղափարների տարածմանը»,- ասված է հայտարարոության մեջ։