ՌԴ նախագահ Վլադիմիր Պուտինը լրագրող Պավել Զարուբինին տված հարցազրույցում, որը հրապարակվել է Կրեմլի Telegram ալիքում, ասել է, որ Մոսկվան իզուր ավելի վաղ չի սկսել ակտիվ գործողություններն Ուկրաինայում, բայց երկար ժամանակ փորձել են հակամարտությունը լուծել խաղաղ ճանապարհով և. հույսն են դրել հակառակորդների պարկեշտության վրա:

Պուտինն ասել է, որ միակ ափսոսանքն այն է, որ Ռուսաստանի ղեկավարությունն ավելի վաղ ակտիվ գործողությունների չի դիմել, քանի որ կարծում էր, որ գործ ունի պարկեշտ մարդկանց հետ։

Պետության ղեկավարն ընդգծել է, որ հակամարտության առաջին փուլում Ռուսաստանը փորձել է Դոնբասում իրավիճակը կարգավորել խաղաղ ճանապարհով՝ մինսկյան համաձայնագրերով։ Սակայն, ինչպես նշել է Պուտինը, ավելի ուշ պարզ է դարձել, որ «մեզ այստեղ էլ քթից էին տանում»։ Այսպիսով, և՛ Գերմանիայի նախկին կանցլերը, և՛ Ֆրանսիայի նախկին նախագահը բացահայտորեն հրապարակավ խոստովանել են, որ մտադիր չեն կատարել ձեռք բերված պայմանավորվածությունները։ Նրանք պարզապես ժամանակ էին շահում «ուկրաինական ռեժիմին» զենք տալու համար։ Եվ նրանք, ըստ Պուտինի, հաջողությամբ են դա արել։