ԱԽ քարտուղար Արմեն Գրիգորյանն այսօր՝ ապրիլի 4-ին, ընդունել է Իտալիայի Հանրապետության Արտաքին գործերի եւ միջազգային համագործակցության փոխնախարար Էդմոնդո Չիրիելի գլխավորած պատվիրակությանը: Այս մասին տեղեկացնում է ԱԽ գրասենյակը։
Հանդիպմանը կողմերը կարեւորել են Հայասատնի եւ Իտալիայի միջեւ հարաբերությունների զարգացման դրական դինամիկան:
Հանդիպմանն անդրադարձ է կատարվել Ադրբեջանի կողմից Լաչինի միջանցքի ապօրինի շրջափակմանը եւ դրա հետեւանքներին, ինչի շրջանակներում ԱԽ քարտուղարը կարեւորել է Լաչինի միջանցք եւ Լեռնային Ղարաբաղ միջազգային փաստահավաք խումբ գործուղելու անհրաժեշտությունը:
ԱԽ քարտուղարը շնորհակալություն է հայտնել իտալացի գործընկերներին՝ Հայաստանում ԵՄ առաքելության ներկայությանն աջակցելու համար։