Հետևեք մեզ։

Դիմակավորված անձինք ձերբակալել են Շահրամանյանի անվտանգության աշխատակցին․ «Հրապարակ»

00:11, 21 փետրվար 2024
Դիմակավորված անձինք ձերբակալել են Շահրամանյանի անվտանգության աշխատակցին․ «Հրապարակ»

Քիչ առաջ դիմակավորված անձինք քաղաքացիական մեքենայով կանգնեցրել են Սամվել Շահրամանյանի հասարակական հիմունքներով աշխատող թիկնազորի աշխատակից Աշոտ Դանելյանին, ձեռնաշղթաներ են հագցրել եւ իր իսկ մեքենայով տարել են անհայտ ուղղությամբ:  «Հրապարակ»-ի հետ զրույցում նրա փաստաբան Ռոման Երիցյանն ասաց, որ համացանցում տեղ գտած տեղեկությունները, թե իբր նշված գործողություններն իրականացվել են Սամվել Շահրամանյանի նկատմամբ՝ իրականությանը չեն համապատասխանում։  

«Դիմակավորված իրավապահների կողմից այսօր Երևան քաղաքի կենտրոնում իրականացված ակնհայտ ոչ իրավաչափ գործողություններն ուղղված էին այլ անձի դեմ, որի մասին քիչ հետո հանդես կգանք համապատասխան հայտարարությամբ»,-ասաց նա։

 Ավելի ուշ «Հրապարակ»-ին փաստաբանը հայտնել է, որ Սամվել Շահրամանյանի հասարակական հիմունքներով աշխատող թիկնազորի աշխատակից Աշոտ Դանելյանին բերման են ենթարկել քրեական ոստիկանության և պարեկային ծառայության աշխատակիցները՝ թմրանյութ օգտագործելու և պահելու կասկածանքով։ Փաստաբանի պնդմամբ՝ նրա մոտ անձնական խուզարկությամբ ոչինչ չի հայտաբերվել։ Այս պահին Աշոտ Դանելյանը դեռ ոստիկանությունում է։

Մանրամասները՝ սկզբնաղբյուր կայքում։