Երկար սպասված մեծ նորություն՝ Հայաստանի կառավարությունը մրցույթ է հայտարարել Ամրակից գյուղի Սուրբ Նիկոլաս Հրաշագործ ուղղափառ եկեղեցու վերակառուցման համար։ Այս մասին ֆեյսբուքյան իր էջում գրել է գրել է ԱԺ պատգամավոր Ալեքսեյ Սանդիկովը։

 

Նշվում է, որ մրցույթին իրավունք ունեն մասնակցելու ոչ միայն տեղական, այլեւ արտասահմանյան շինարարական ընկերությունները։

 

Ծրագրի արժեքը կազմում է 175 000 000 դրամ։

 

Դիմելու վերջնաժամկետն է մարտի 21-ը։

 

Նշենք, որ Սուրբ Նիկոլայ Հրաշագործ եկեղեցին գտնվում է Լոռու մարզի Ամրակից գյուղում։ Կառուցվել է 1848 թվականին (այլ տվյալներով 1879 թվականին) ուկրաինացի կազակների կողմից հիմնված Նիկոլաևկա (այժմ՝ Ամրակից) գյուղի ռուս-ուղղափառների համար։ 1910-1914 թվականներին վերակառուցվել է՝ ստանալով այժմյան տեսքը։

 

Գործել է մինչև 1988 թվականը։ Զգալիորեն վնասվել է Սպիտակի երկրաշարժի ժամանակ։ Գտնվում է վթարային վիճակում։ 2009 թվականին նրա մեջ գտնվող սրբապատկերները տեղափոխվել են Գյումրու ռուսական եկեղեցի։

 

Հանրապետական նշանակության հուշարձան է։ Եկեղեցին պատկանում է Եկատինոգրադի Կուբանի թեմին։