Քամիլ Զեյնալլին ազատ է արձակվել, նա այսօր կմեկնի Բաքու։ Այս մասին հայտնել է Քամիլ Զեյնալլիի փաստաբան Ալաքբար Գարաեւը։ Նա հայտնել է, որ չնայած հայկական կողմը ծանր մեղադրանքներ էր առաջադրել Զեյնալլիին, սակայն ռուսական կողմը որոշում է կայացրել նրան ուղարկել Բաքու։

Հիշեցնենք, որ ավելի վաղ ՀՀ ՆԳՆ-ն հաղորդել էր, որ Զեյնալլիի հանդեպ միջազգային հետախուզում է հայտարարվել սպանության հոդվածով։ 

Տարածվող տեղեկության համաձայն՝ նա 2020 թվականին գլխատել էր ազգությամբ հայ տղամարդու և այդ տեսանյութը հրապարակել  սոցցանցի իր էջում։

Մոսկվայում ձերբակալված ադրբեջանցին Հայաստանի կողմից հետախուզվում է սպանության մեղադրանքով