Ուկրաինայի նախագահ Վլադիմիր Զելենսկին հայտնվել է Netflix սթրիմինգային հարթակի «Անցումային կետ. ռումբը և սառը պատերազմը»  ինը դրվագներից բաղկացած սերիալի թրեյլերում:

 Վավերագրական ֆիլմը նկարագրում է Սառը պատերազմի պատմությունը, միջուկային ռումբի ստեղծումը, ինչպես նաև Ուկրաինայում վերջին տարիների իրադարձությունները։ Բացի Զելենսկիից, սերիալում նկարահանվել են ՆԱՏՕ-ի գլխավոր քարտուղար Յենս Ստոլտենբերգը, ԿՀՎ նախկին տնօրեն Ռոբերտ Գեյթսը և նախկին պետքարտուղար Քոնդոլիզա Ռայսը:

Վավերագրական ֆիլմն ուսումնասիրում է Սառը պատերազմը և Խորհրդային Միության փլուզման հետևանքները, որոնք հանգեցրին Վլադիմիր Պուտինի ժողովրդականության աճին: Այն ուսումնասիրում է Միացյալ Նահանգների և Խորհրդային Միության միջև տասնամյակներ շարունակվող հակամարտությունը՝ հիմնված ընթացիկ իրադարձությունների վրա, որոնք ցույց են տալիս, որ Սառը պատերազմը շարունակվում է, իսկ աշխարհը գտնվում է միջուկային պատերազմի շեմին:

Տեսանյութը հասանելի է «Netflix»-ի յութուբյան ալիքում։