Պետական եկամուտների կոմիտեն նախապատրաստվում է Թուրքիայի հետ սահմանի «Մարգարա» անցակետի վերագործարկմանը՝ երրորդ երկրի և դիվանագիտական անձնագիր ունեցող քաղաքացիների համար․ այս մասին Կառավարության նիստից հետո լրագրողների հետ զրույցում ասաց ՊԵԿ նախագահ Ռուստամ Բադասյանը։

Հիշեցնենք, որ ավելի վաղ հաղորդվել էր, որ Հայաստանի և Թուրքիայի բանագնացները պայմանավորվածություն են ձեռք բերել սահմանը բացել երրորդ երկրների քաղաքացիների և դիվանագիտական անձնագրեր ունեցող քաղաքացիների համար։ Կողմերը նախապատրաստական աշխատանքներ են իրականացնում, սակայն սահմանի բացման հավանական ժամկետները դեռ հստակ չեն։