Հայկական ավանդական Վարդավառ տոնին նվիրված Disney-ի սերիայի պրեմիերան կայացել է ուրբաթ օրը՝ մարտի 1-ին, Disney Channel-ում և Disney Junior-ում, հայտնում են Հայկական կինոընկերությունից։

Mickey Mouse Funhouse-ի սերիայի սցենարը գրել է Քեթլին Սարնելլի Կապուկչյանը, ում ամուսինը հայ է։

Սերիայում Մինի Մաուսը սխալ հանդերձանք է կրում Վարդավառը նշելու համար: Մինիին, Միկին և նրանց ընկերներին ողջունում է Աստղիկ աստվածուհին, ով կրում է հայկական ավանդական Տարազ, երբ նա իջնում է իր կախարդական տաճարից և ջուր է շաղ տալիս նրանց վրա։

Դրվագը տեղի է ունենում առասպելների և լեգենդի երկրում, որը կառուցված է հայկական ճարտարապետության օրինակով, մասնավորապես՝ Գառնիի և Կասկադի հիման վրա՝ ստեղծելով երկու վայրերի միաձուլում:

Աստղիկի կերպարը հնչյունավորել է հայկական ծագում ունեցող Լիանա Բդևին։

Դրվագը հագեցած է մշակութային հիշատակումներով. Միննին կրում է հայկական տարազ, ամբողջ դրվագում խոսում են հայերեն, իսկ Չիփն ու Դեյլը թան վաճառում և խորոված պատրաստում:

Դրվագը նշանավորում է հայկական մշակույթի առաջին ներկայացումը Դիսնեյում:

«Vardavar!»-ը հասանելի է DisneyNow.com-ում և DisneyNow հավելվածում, իսկ ավելի ուշ հասանելի կլինի Disney+-ում:

Տեսանյութը՝ այստեղ։