Տիրան Խաչատրյանի նկատմամբ կիրառված կալանքը փոփոխվեց: Այս մասին ֆեյսբուքյան իր էջում հայտնում է Խաչատրյանի փաստաբան Վարազդատ Հարությունյանը։

«Կիրառվեց գրավ և բացակայելու արգելք:Տիրան Խաչատրյանը ազատ է արձակվում դատարանի դահլիճից»,- հաղորդել է փաստաբանը։

Հիշեցնենք, որ դատավոր Գագիկ Պողոսյանը 2 ամսով կալանավորել էր  Տիրան Խաչատրյանին: Տիրան Խաչատրյանի նկատմամբ հարուցվել էր հանրային քրեական հետապնդում ՀՀ քրեական օրենսգրքի 297-րդ հոդվածի 3-րդ մասով։