Telegram-ի հիմնադիր Պավել Դուրովը պարծենում է Telegram-ի աշխատանքով՝ աշխարհում սոցցանցերի խափանումների ֆոնին

«Վերջին մեկ ժամվա ընթացքում միլիոնավոր մարդիկ բաժանորդագրվել են Telegram-ին, մինչ Instagram-ը և Facebook-ը չէին աշխատում»,- գրել է նա։

«2023 թվականի ընթացքում Telegram-ն անհասանելի է եղել տարին կազմող 525600-ից ընդամենը 9 րոպեում: Սա գործառնական ժամանակի 99,999983 տոկոսն է», - ավելացրել է Դուրովը:

Մարտի 5-ին աշխարհի բազմաթիվ օգտատերեր զեկուցել են խոշոր ծառայությունների, պորտալների և այլնի աշխատանքի ձախողման մասին։ Downdetector-ի մոնիտորինգի տվյալների համաձայն՝ խափանումներն ազդել են ԱՄՆ խոշորագույն հեռահաղորդակցության օպերատորների, Meta կորպորացիայի բազմաթիվ ռեսուրսների,  նույնիսկ Google-ի, մասնավորապես՝ Gmail էլփոստի ծառայության և YouTube վիդեոհոսթինգի վրա: