Սարատովի ոստիկանությունը քրեական գործ է հարուցել տեղի բնակչի նկատմամբ, ով կասկածվում է իր կնոջ մեքենան գողանալու մեջ, որը նա վաճառել է Սոչի մեկնելուց առաջ՝ մեկ այլ կնոջ հետ ապրելու համար, հայտնում է Սարատովի ՆԳՆ-ն։ Գերատեսչության տվյալներով՝ քաղաքի Լենինսկի շրջանի 29-ամյա բնակչուհին ոստիկանություն է դիմել և հայտնել իր մոտ կես միլիոն ռուբլի արժողությամբ Renault ավտոմեքենայի կորստի մասին, որը, ըստ նրա, նվեր է ստացել մորից։ 2022 թվականի դեկտեմբերին, սակայն այն տվել է կողակցին՝ վարորդական իրավունքիբացակայության պատճառով։

Նրա խոսքով՝ որոշ ժամանակ անց ամուսինն ասել է, որ մեքենան փչացել է, ավտոտեխսպասարկման կետում է, ինքն էլ պատրաստվել ու գործուղման է գնացել։ Շուտով դիմումատուի մոտ է գնացել մի անծանոթ մարդ և ասել, որ մեքենան ամուսնուց վստահված անձից գնել է 300 հազար ռուբլով և եկել է առուվաճառքի պայմանագիր կնքելու։

«Այդ փաստի առթիվ հարուցվել է քրեական գործ՝ ՌԴ ՔՕ 160-րդ հոդվածի 3-րդ մասի հատկանիշներով «Հափշտակություն, որը կատարվել է առանձնապես խոշոր չափերով»: Քրեական հետախուզության աշխատակիցները բերման են ենթարկել 32-ամյա կասկածյալին, ով ոստիկանությունում   ընդունել է հանցանքը և բացատրել, որ վաճառել է կնոջ մեքենան Սոչի մեկնելուց առաջ, որտեղ իրեն մեկ այլ կին է սպասում»,- ասվում է հաղորդագրության մեջ։