Տանզանիայում 9 մարդ մահացել է, ևս 78-ը հոսպիտալացվել ծովային կրիայի միս ուտելուց հետո, հայտնում է Associated Press-ը՝ հղում անելով տեղի իշխանություններին։
Ինչպես պարզաբանում է գործակալությունը, ծովային կրիայի միսը Զանզիբարի բնակիչների շրջանում համարվում է դելիկատես, սակայն դրա օգտագործումը պարբերաբար հանգեցնում է մահացության՝ սննդային թունավորումից։
«Ութ երեխա և մեկ մեծահասակ մահացել են Զանզիբար արշիպելագի մաս հանդիսացող Պեմբա կղզում ծովային կրիայի միս ուտելուց հետո, ևս 78 մարդ հոսպիտալացվել է»,- ասվում է հաղորդագրությունում։