Ռուսաստանը առաջ է քաշել Եվրասիայում հավասար և անբաժանելի անվտանգության համակարգ ձևավորելու խնդիրը եվրատլանտյան ինստիտուտների դեգրադացիայի ֆոնին, ինչպիսին ԵԱՀԿ-ն է։ Այս մասին ասել է ՌԴ ԱԳ նախարար Սերգեյ Լավրովը, գրում է «Ռիա Նովոստի»-ն։

«Տարածաշրջանային մակարդակում ԵԱՀԿ-ի՝ որպես եվրատլանտյան խորհրդանիշի լիակատար դեգրադացիայի համատեքստում, առաջ է գալիս Եվրասիայում հավասար և անբաժանելի անվտանգության նոր ճարտարապետության ձևավորման խնդիրը, որը կոչված է լրացնելու և ամրապնդելու Եվրասիական մեծ գործընկերության ձևավորման գործընթացը, որի մասին նախագահ Պուտինը մեկ անգամ չէ, որ նշել է, և որը ձևավորվում է ԵԱՏՄ-ի, Շանհայի համագործակցության կազմակերպության, ՀԳՀԾ-ի և ԱՊՀ-ի համատեղ ջանքերի շնորհիվ»,- ասել է Լավրովը։

Նրա խոսքով, «պարզ է, որ այս գործընթացի ուժեղացումը ամուր տնտեսական հիմք կստեղծի մեր հսկայական եվրասիական մայրցամաքում անվտանգության թեման խթանելու համար»։

«Անցյալ տարվա հոկտեմբերին մենք արդեն սկսել ենք գործնական աշխատանքը նման համակարգի հիմքերի ձևավորման ուղղությամբ, Ռուսաստանը մասնակցել է Մինսկում կայացած միջազգային համաժողովին, որը կազմակերպել էր ՀԱՊԿ-ում Բելառուսի նախագահությունը և այն նվիրված էր հատկապես ձևավորման գործընթացներին։ Եվրասիական անվտանգության համակարգի ստեղծման աշխատանքները շարունակվում են տարբեր հարթակներում»,- հավելել է Լավրովը։