Ադրբեջան-Թուրքիա-Վրաստան եռակողմ համագործակցության ձևաչափը նպաստում է ինչպես տարածաշրջանային, այնպես էլ համաշխարհային անվտանգությանն ու կայունությանը։
Այս մասին Բաքվում կայացած Ադրբեջան-Թուրքիա-Վրաստան ԱԳ նախարարների եռակողմ հանդիպման ժամանակ բացման խոսքում ասել է Ադրբեջանի արտգործնախարար Ջեյհուն Բայրամովը։
Նախարարն ընդգծել է, որ վերջին տարիներին միջազգային ասպարեզում ի հայտ եկած իրադարձությունները մեծացնում են երկրների միջև եռակողմ ձևաչափով համագործակցության կարևորությունը։
«Վերջին եռակողմ հանդիպումից հետո շատ բան է փոխվել ինչպես գլոբալ, այնպես էլ տարածաշրջանային առումով»,- ասել է Ջեյհուն Բայրամովը։