ՀՀ կենտրոնական բանկը որոշել է մարտի 29-ից արգելել տեղական բանկերին սպասարկել ռուսական «Միր» վճարային քարտը՝ ամերիկյան պատժամիջոցների տակ ընկնելու սպառնալիքի պատճառով։ Այս մասին ՏԱՍՍ-ի թղթակցին հայտնել է հանրապետության բանկային հատվածի բարձրաստիճան աղբյուրը։

«ԱրՔա հայաստանյան պրոցեսինգային կենտրոնը միաժամանակ մշակում է Mir, Visa և Mastercard-ի վճարումները: Visa-ն և Mastercard-ը հրաժարվում են աշխատել մի ընկերության հետ, որը միաժամանակ սպասարկում է պատժամիջոցների տակ գտնվող Mir-ը: Նրանք այս դեպքում իրավունք չունեն աշխատել ArCa-ի հետ: Հետևաբար «Միր» ծառայությունն արգելելուց բացի այլ տարբերակ չի մնում»,- ասել է աղբյուրը։

ՏԱՍՍ-ի զրուցակիցը նշել է նաև, որ ՀՀ ԿԲ-ն այս գործընթացը ներկայացնում է որպես մասնավոր բանկերի որոշում՝ «ռուսական կողմին չնեղացնելու համար»։

ՏԱՍՍ-ը կապ է հաստատել Կենտրոնական բանկի և Հայաստանի խոշոր բանկերի հետ մեկնաբանություն ստանալու համար, սակայն պաշտոնական պատասխան չի ստացել։