Տոլյատիի դպրոցներից մեկի հինգերորդ դասարանի աշակերտը հոսպիտալացվել է, նախնական տվյալներով՝ էլեկտրոնային սիգարետ ծխելուց հետո․ դեպքի առթիվ դատախազությունը հետաքննություն է սկսել։
«Ներկայումս երեխան հոսպիտալացված է, որտեղ ստանում է անհրաժեշտ բուժօգնություն։ Ստուգման ընթացքում վերահսկող մարմինը կգնահատի ուսումնական հաստատության պատասխանատուների գործողությունները»,– ասված է մարզի դատախազության հաղորդագրության մեջ։
Ինչպես նշվում է, վերահսկողական վարչությունը հետաքննություն է սկսել՝ կապված դպրոցում տեղի ունեցած միջադեպի մասին համացանցում հրապարակման հետ։ Հաղորդագրություններից հետեւում է, որ իբր 5-րդ դասարանի աշակերտը հիվանդացել է էլեկտրոնային սիգարետ ծխելուց։