Ամերիկյան Boeing-ի ղեկավար Դեյվ Քալհունը, ընկերության ինքնաթիռների հետ կապված մի շարք տեխնիկական խնդիրների և վթարների ֆոնին, հայտարարել է տարեվերջին իր հրաժարականի մասին։

«Ես որոշել եմ, որ սա կլինի իմ վերջին տարին որպես մեր մեծ ընկերության գլխավոր գործադիր տնօրեն», - ասել է Քալհունը Boeing-ի կայքում տեղադրված հայտարարության մեջ։

Ինչպես նշվում է հրապարակված մամուլի հաղորդագրության մեջ, Կալհունը «կշարունակի ղեկավարել Boeing-ը մեկ տարի»։

Բացի այդ, Boeing Commercial Airplanes-ի ղեկավար Սթեն Դիլը, որը պատասխանատու է կոմերցիոն ինքնաթիռների կառուցման համար, հեռանում է ընկերությունից։ Նրան կփոխարինի Ստեֆանի Փոփը, ով գլխավոր օպերացիոն տնօրենն էր։

Տնօրենների խորհրդի նախագահ Լարի Քելները նույնպես բաժնետերերի տարեկան ժողովից հետո պաշտոնաթող կլինի, որին կփոխարինի Սթիվ Մոլենկոպֆը։