ՌԴ ԱԳՆ-ն, մեկնաբանելով «Հայաստանի բարեկամների ցանց» խմբի զեկույցի դրույթները, կարծում է, որ Երևանին հասանելի չեն լինի Խաղաղության եվրոպական հիմնադրամի միջոցները, քանի որ բյուջեի մեծ մասն ուղղվում է Ուկրաինային։

ՌԴ ԱԳՆ-ն հիշեցրել է, որ Կիևին բաժին է ընկնում հիմնադրամի բյուջեի ավելի քան 65%-ը, և այդ հարաբերակցությունը միայն կաճի։ «Մյուս տարածաշրջանները, ինչպիսիք են Աֆրիկան, Մերձավոր Արևելքը և այլն, ստանում են տոկոսի միայն կոտորակները», - պարզաբանել է գերատեսչությունը:

ՌԴ ԱԳՆ-ն կարծում է, որ «Հայաստանին սպառնում է երկար տարիներ կանգնել երկար հերթի մեջ՝ գոնե մի նվազագույն բան ստանալու համար»։

«Նման անպատասխանատու քայլերը կարող են լրացուցիչ անկայունություն առաջացնել տարածաշրջանում»,- կարծում են նախարարությունում։