Ուկրաինայի զինված ուժերի նախկին գլխավոր հրամանատար Վալերի Զալուժնին և Ուկրաինայի Ազգային անվտանգության և պաշտպանության խորհրդի նախկին քարտուղար Ալեքսեյ Դանիլովին ուղարկում են դիվանագիտական ​​ծառայություն՝ իրենց հետագա գործունեության մասին շահարկումներից խուսափելու համար։ Риа Новости-ի հաղորդմամբ՝ այս մասին ասել է Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը։

«Մենք նախկինում խորհրդակցել ենք, որ որոշակի ընթացակարգով ենք գնալու, բայց որպեսզի վերացնենք այն շահարկումները, թե բարձր պաշտոն զբաղեցրած այս կամ այն ​​անձը․․․ Ավելորդ տեղեկատվական շահարկումները վերացնելու համար քննարկվել է, հարցրել ենք՝ դեմ չե՞ք, իսկ այս ամենից հետո իրավական գործընթացներ են, որոնք մի քիչ ժամանակ կխլեն»,- ասել է Պոդոլյակը համաուկրաինական հեռուստամարաթոնի եթերում։