Հայաստանի կառավարիչը տիեզերական մասշտաբի ստախոս է։ Այս մասին լրագրողների հետ զրույցում ասաց ՀՀ 3-րդ նախագահ Սերժ Սարգսյանը։

«Նա զրպարտել էր ինձ, իբր ես ինչ-որ կենցաղային հարցերով իրեն նամակներ եմ ուղղել։ Իմ աշխատակազմի ղեկավարը միանգամից  հերքեց և պահանջեց, որ հրապարակեն այդ նամակները։ Պարզ է՝ ոչինչ տեղի չունեցավ, որովհետև նման բան չէր եղել»,-ասաց Սարգսյանը։

Նա նշեց, որ Նիկոլ Փաշինյանի իշխանության գալը արհավիրք էր. «Արհավիրք էր իր իշխանության գալը։ Արհավիրքը գլխավոր բանակցողի փոփոխությունն էր։ Իսկ մնացած իրադարձությունները, ողբերգությունները այդ արհավիրքի հետևանքներն են»։